لما يكون فى طريق والناس ماشيه فيه وكل واحد شايل صليبه .. كلهم شايلين نفس الحمل والحمل واحد .. ماعدا واحد بس تعب من حمل صليبه .. وسألته مالك رد وقال : انا تعبت يارب والحمل تقيل عليا انا هقطع حتة من الصليب علشان اقدر اشيله ..
وبسرعة وقف علشان يقطع حتة من اخر الصليب وفعلا قطعها وشال صليبه ومشى فرحان بيغنى.. وكان هو الوحيد اللى حمله اقل والباقى شايلين حمل كبير ..
ومع ذلك وقف تانى وقاله يارب الحمل ثقيل عليا من فضلك هشيل حتة صغيرة كمان علشان اقدر اشيله كويس ..
وقف تانى علشان يقطع حتة من صليبه بدون تفكير علشان يقدر يشيله .. وشال صليبه ومشى فى طريقه وطبعا صليبه بقى اخف حمل كمان عن الأول ..
بس ياترى دى ارادة الله ياترى مجرد ما تقوله يارب تعبت وتعمل اللى انت عاوزه.. طبعا ماشى سعيد بيغنى ما هو الوحيد المتهنى وفى طريقه قابل ضيقه وكرب ووقف يسأل يا ترى ايه الحل؟ .. اصحابه كلهم عدوا وهو واقف محتار وحاول يعمل زيهم وطبعا منفعش يعدى ما صليبه طلع قصير بعد ما شال منه كتير .. وهو نفذ ارادته من غير ما يشوف ارادة ربنا ايه..!! وقعد يبكى وحيد ومعرفش يكمل طريقه اصله ابتدى غلط مع انه كان حامل صليبه بس مش كل اللى بيحمل صليبه بينفذ ارادة الله.... من ستكون فيهم .. هل هتنادى وتقول يارب وبرغم كده بتنفذ اللى انت عايزه
ولا هتقوله لتكن ارادتك....
الأختيار لك فمن تكون ؟؟؟؟
موضوع: من ستكون انت؟؟؟ 
الأربعاء أبريل 30, 2008 4:18 pm
