مصير سيندريلا

موضوع: مصير سيندريلا الأحد مايو 04, 2008 10:16 pm

ايه اللى كان هيحصل لو سيندريلا ما مشيتشي الساعه 12 ..واستنت كمان ربع ساعه؟
خلونا نرجع لسندريلا اللى حياتها اتغيرت لما قعدت شويه تعيط و تشد فى شعرها و تقول" ليه يارب عملت فيا كده و خليت طنط باكينام(زوجة ابوها)تعذبنى ومش عاوزة تعملى شعرى سشوار و لا عاوزة تجبلى جازمه باربع عجلات...

وفجأه دون ان تكمل سوسو اللى هيا سندريلا يعنى كلامها..ظهرت ليها الساحره ..مع ان الساحرات فى الحكايات دى بيكونوا اشرار..لكن دى طيبه..اظاهر انها كانت ساحره و حولت علشان مجموعها كان ضعيف فبقت طيبه...

المهم بصت لسندريلا و قالتلها"انتى ليه بطعيتى يا شاطرة؟"
قعدت سندريلا بقي تحكى و تلت و تعجن و قالتلها ان حفله الامير النهارده و انها عاوزة تروح علشان تتعشي و تشرب كانز لكن مش معاها اجرة التوتوك.
راحت الساحره ابتسمت و قالتلها كل ده هيكون عندك وجه الفستان و الشنطه و الجزمه و الموبايل علشان ترن عليها وتفكرها انها لازم ترجع الساعه 12 لان الحاجات دى متأجرة و كل ما يعدى الوقت الساحرة بتدفع غرامة تأخير.

وبعد ماو صلت الحفله و بتسأل على البوفيه ..اللامير شافها و هاتك يا رقص معاها..مين بقي اللى شايفهم بنات مرات ابوها(لواحظ و انشراح) و متغاظين و امهم باكينام فى بلكونه القصر .
المهم الساعه 12 اديتها الساحرة رنا فطبعا سابت سوسو الح-فله و جريت و الجزمه اتخلعت منها لانها مقاس 42 و هى بتلبس 39..والعيب على اللى جابت الجزمه.

لسوء حظها بقي انها مشيت 12 و البوفيه فتح 12 و ربع....ايه يعنى اللى كان هيحصل لو استنت كانت هتاكل و تنبسط و تشرب كانز و تنفذى اللى عاوزاه.

ههههههههههههههههههههههههههههه

هههههههههههههههههههههههههههههههههه

ههههههههههههههههههههههههههههه

جااااااااااااااااااااااااااااااااااااااااااااااامدة موووووووووووووووووووووووووت

ميرسىىىىىىىىىىىىى ياقمر