عدد الرسائل : 236 نقاط : 0 السٌّمعَة : 0 تاريخ التسجيل : 03/04/2008
موضوع: دعوة للصياعه اقصد موضوع صايع (انت ايه رايك) الأحد مايو 11, 2008 8:11 pm
موضوع صايع (( انت ايه رأيك )) !!
حذرنا الكبار واحنا لسه عيال من خطورة انننا نصبح (عيال صايعة) لما نتأخر في العودة للبيت بعد المدرسة بيستقبلوك بسؤال متكرر (( كنت فين يا صايع لحد دلوأتى )) ولما يكون الزرار العلوى للقنيص مفتوح (( متفتحش صدرك زى العيال الصايعة )) وكان في ارتباط وثيق بين التدخين والوقوف عالناصيه ومعاكسه البنات و..الصياعه .. الى آخره
ولقب صايع كان مخيف بيهرب منو كل الاولاد (( وهو الواحد ايه غير سمعه وشويه حجات فوق بعض )) وكنا بنبعد عن اى شخص بيحمل لقب صايع علشان الواحد (( مايتشبهش))
ولكن الطفرة الى حصلت انو كلمة صايع بدال ما بقت كلمة عيب وشتيمه وكخة اصبحت وساما يضعه الآخرون علي صدر كل من يحوز اعجابهم ومبقاش الصايع هو الشخص (( الى مش متربي قليل الادب الى بيسقط دايما وقاعد علي طول عالنت وبيعلى صوتو علي أهله وبيسرق فلوس من ورا اهله علشان يجيب بيها سجاير ))
ولقب صايع مبقاش فقط علي الاشخاص .. انتقل لحجات تانيه كتير فمثلا (( خد عندك ))
- جهاز الموبايل الى فيه كل الامكانيات الى محتاجها والى بتحلم بيها .... يبقي موبايل صايع
- ممكن تلاقي جون (( صايع )) عبارة عن جملة بين 3 لاعبين سريعه ورشيقة وغير متوقعة
- ممكن تلاقي بوستر لألبوم لمطرب متصمم بطريقة صايعة ومحطوط في حتة صايعة وممكن تشوف فيلم نهايته غير متوقعة فيبقي السيناريست الى كتب الفيلم سيناريست صايع
- وممكن تلاقي بلد يتقال عليها (( بلد صايعة )) زى الصين الى قدرت انها تخترق مصر وبقالهها فكل بيت 20 منتج علي الاقل وبالتالى تقدر تقول ان (( الصين دول صايعين أوى ))
دلوأتى نقدر نشجع بعض علي الصياعه بمفهومها الجديد
@RoM المـــدير العـــام
عدد الرسائل : 882 نقاط : 0 السٌّمعَة : 0 تاريخ التسجيل : 23/01/2008
موضوع: رد: دعوة للصياعه اقصد موضوع صايع (انت ايه رايك) الأربعاء مايو 14, 2008 7:03 pm
لا موضوع صايع فعلا هههههههههههههههه ميرسى ياقمرة على موضوعك وتعبك
موضوع: دعوة للصياعه اقصد موضوع صايع (انت ايه رايك) 
الأحد مايو 11, 2008 8:11 pm
