أحلامى اللى انا عيشتها

أحلامى اللى انا عيشتها
<hr style="COLOR: #d2dae1" SIZE=1>

كنت زمان ونا صغير... بحلم اكون دكتور كبير


البس البدله البيضا... ومعايا سماعه وادويه كتير


اعالج الناس من امراضها... واقضى على الوباء الخطير


بس اتضح لى انها احلام... اتبخرت وراحت مع الاثير

ولما وصلت اعدادى... اخترت اكون انسان مش عادى

وحبيت انى اكون مدرس... يعلم ويشرح ويدادى

بس لقيتها شغلانه صعبه... عايزه دماغ وواحد هادى

ووصلت بعدها الثانويه.... وحلمت اكون من هواة الهندسيه

ناس فاهمه وبتفكر صح........ كلهم جد ودماغ فولاذيه


الواحد يرسم لك فى الهوا..... مبنى ويقولك ((وقع عليا))

تشوف المهندس منفوخ عل فاضى... وتلاقيه شايل هندسه وصفيه*

ماسك مسطره وبرجل وروول**.... وكأنوه هيبنى امبراطوريه

ونشيل خرسانه او ثرمو....وندبلر ومعانا مبانى و نظريه

احسن حاجة بلاش احلام..... وسيبك منها دى كليه

طب ليه مكنش مسيو... اعلم وارطم باللغه الفرنسيه

اقول بنجور بنسوار... بردون اسف متاخدش عليا

واخير اكتشفت للاسف... ان الفرنسيين دول ناس حراميه


الواحد ياكل لك نص الكلمه... ويقولك اصلها دى لغه راقيه

___________
توضيح
___________

*هندسه وصفية:ماده فى اعدادى هندسه

عسرة الفهم او الهضم او الحفظ

**روول:من الادوات الهندسيه لحفظ لوحات الرسم

تشبه لحد كبير ماسورة الصرف لونها اسود

تمسك فى اليد او تحمل على الكتف